Röflið

Næsta kynslóð undir borði

2011-02-17T13:39:00.002Z

Jahérna

2010-03-31T10:05:00.002Z

Hér finn ég gamlar bloggstöðvar, eða blögg eins og ónefndur seðlabankastjóri kallaði það um árið.

Ætti maður að blása lífi í þetta?

Icesave valinn besti netreikningurinn

2009-06-30T16:01:00.000Z

Af fréttavef Landsbankans:

Fréttir og tilkynningar - 18. júní 2008 13:11
Icesave valinn besti netreikningurinn

Moneyfacts Awards 2008Icesave, sparnaðarreikningur Landsbankans í Bretlandi, hefur verið valinn besti netreikningurinn hjá fjármálavefsíðunni Moneyfacts. Moneyfacts er ein öflugasta og vinsælasta fjármálavefsíðan í Bretlandi en þar geta neytendur sótt sér óháða ráðgjöf í fjármálum. Valið náði yfir allan breska fjármálamarkaðinn og felst því í verðlaununum mikil viðurkenning á gæðum Icesave innlánavörunnar.

Icesave, sem stofnað var í Bretlandi í október 2006, hefur náð framúrskarandi árangri og er fjöldi viðskiptavina nú yfir 250 þúsund. Á komandi ári mun Landsbankinn sækja inn á fleiri evrópska markaði. Opnun Icesave í Hollandi er fyrsta skrefið í þá átt. Viðtökur þar í landi hafa farið fram úr björtustu vonum, en viðskiptavinir eru nú þegar orðnir um 20 þúsund á aðeins rúmum hálfum mánuði.

"Það að Icesave skuli vera viðurkennt af óháðum og virtum aðila sem Moneyfacts sýnir svo ekki verður um villst hversu góð innlánavara Icesave netreikningurinn er. Icesave hefur fljótt skipað sér sess meðal vinsælustu netreikninga á breska sparifjármarkaðinum með því að bjóða upp á einfalda vöru, samkeppnishæf kjör og notendavænt viðmót á netinu. Við stefnum að sjálfsögðu á að halda áfram þessum frábæra árangri og þessi viðurkenning er okkur mikil styrkur í frekari uppbyggingu innlánastarfsemi á meginlandi Evrópu," segja Sigurjón Þ. Árnason og Halldór J. Kristjánsson, bankastjórar Landsbankans.

Góð ráð dýrmæt

2009-06-30T15:22:00.000Z

Góður Íslenskur lögfræðingur gæti sparað þjóðinni tugi milljarða.

Slæm réttarstaða gagnvart Icesave

2009-06-24T17:36:00.005Z

Margir vilja nú láta reyna á réttarstöðu Íslands gagnavart Icesave. Hún virðist því miður afar slæm ef rýnt er reglur þær sem Ísland hefur gengist undir. Um það má lesa af viti hér.

Hver sá sem vinnur gegn Icesave samkomulaginu þarf að koma með raunhæfar betri hugmyndir og gera sér grein fyrir afleiðingunum fyrir þjóðlífið á Íslandi á komandi árum.

Borgum Icesave lágmarkið

2009-06-23T16:04:00.003Z

Mér sýnist öll rök benda til þess að við greiðum lágmarksinnistæðutryggingar vegna þessa Icesave klúðurs og lofum að gera svona aldrei aftur. Gauti fjallar ágætlega um þetta.

Portúgal

2009-06-02T14:02:00.002Z

Nú stendur yfir undirbúningur að sumarfríi ársins: í Portúgal. Við verðum í viku og planið er að gera ekki neitt. Einhverjar hugmyndir að lesefni fyrir sundlaugarbakkann?

Besti vinnustaður á landinu?

2009-05-27T14:49:00.001Z

Opnunarleikurinn í Kubb á Stadío Fíton í hádeginu í dag.

Ráðherra Giftar?

2009-05-18T14:51:00.000Z

Eins og kom fram í frétt hér á AMX í morgun, er Langflug í eigu Finns Ingólfssonar, fyrrverandi ráðherra Framsóknarflokksins og Giftar, sem var áður Eignarhaldsfélag Samvinnutrygginga.

Freudian slip?

Hver er maðurinn?

2009-05-11T18:44:00.001Z

Í framhaldi af getraun Andrésar spyr ég um þennan:

Viðsnúningur

2009-05-04T22:58:00.001Z

Merkilegt að þeir sem mest börðust á móti vinstristjórn og töldu slíkt stjórnarmynstur hið mesta óráð virðast nú ekki geta beðið eftir að hún taki til óspilltra málanna!

Kjósum vinnu, velferð, ESB og Jóhönnu

2009-04-25T14:05:00.001Z

Tækifærið er núna!

Hroki Hrokason

2009-04-20T13:25:00.003Z

Mér finnst þetta vera móðir allra hrokfullra ummæla - og hef þó séð þau mörg frá Birni Bjarnasyni:

„Eina raunhæfa leiðin að markmiðum sammala.is er að málsvarar þeirrar stefnu styrki stöðu sína í Sjálfstæðisflokknum, efli hann með atkvæði sínu og leitist við að breyta Evrópustefnu hans. Á vettvangi Sjálfstæðisflokksins ræðst að lokum, hvort Ísland gengur í Evrópusambandið.“

Næstum jafn kjarnyrt og ummæli Sigurðar Kára:

„Vilji Sjálfstæðisflokkurinn halda yfirráðum sínum yfir sjávarútvegsauðlindinni þá felur það í sér að Sjálfstæðisflokkurinn vill standa utan ESB....“.

Sem betur fær ræður Sjálfstæðisflokkurinn ekki eins miklu og hann vildi.

Tvífarar dagsins

2009-04-20T09:57:00.001Z

Tvífarar dagsins eiga það sameiginlegt að vera viðmótsþýð ljúfmenni sem hafa borið harm sinn í hljóði undanfarna áratugi og gert flest annað en að skara eld að eigin köku.

Töff...eða...?

2009-04-15T09:47:00.001Z

Páskar 2009

2009-04-12T15:49:00.002Z

Ég óska ykkur öllum gleðilegra páska! Páskarnir hafa ekki verið mjög rismiklir á Reynimelnum enda glíma heimilismenn við veikindi og vinnuálag. Þó hefur mér tekist að spila fótbolta tveimur sinnum og er það vel. Þrjú páskaegg komu í hús og hefur eitt þegar mætt örlögum sínum og annað heyr vonlausa baráttu. Andabringur í ísskápnum. Sellerírót og steinseljurót munu fá að kynnast náið í kvöld með aðstoð rjóma. Allt á hreinu.

Samantekin ráð um styrkjasöfnun?

2009-04-11T21:24:00.004Z

Þeir Steini í Kók og þessi Landsbanka-Steinþór hafa greinilega verið saman í liði að safna þessum ofurstyrkjum fyrir FL-okkinn. Og ætla menn þá að trúa því að Guðlaugur Þór hafi ekki vitað af þeim?

Menn hljóta einnig að spyrja Kjartan nánar út í fullyrðingar um að hann hafi vitað af öllu skítabixinu allan tímann - á sama tíma og briddsfélagar hans héldu því fram að Samfylkingin væri sérstaklega tengd þessu liði.

*Og hvaða NBA leikur var þetta sem ný forysta Sjálfstæðisflokksins fór á í boði Hannesar Smárasonar? Fréttamenn hljóta að vera jafn ákafir í að kanna það og þeir voru við að greina frá því að Lúvík Bergvinsson hefði setið um borð í snekkju sem verið var að færa milli hafna á Florida. Eða fær ný forysta FL-okksins sérmeðferð?*

---
*Viðbót, páskadag
Mér er sagt að Bjarni Benediktsson hafi harðlega neitað því að hafa flogið í einkaþotu Hannesar Smárasonar. Ég trúi Bjarna að sjálfsögðu en fleyting þessarar gróusögu sýnir að sárindi innan flokksins rista býsna djúpt.*

FL-okkurinn og 109. grein almennra hegningarlaga

2009-04-09T19:17:00.002Z

Ég held að það sé skammgóður vermir hjá SjálfstæðsFLokknum að henda styrkjahneykslinu í fangið á Geir Haarde. Ríkissaksóknari hlýtur að skoða 109. grein almennra hegningarlaga í ljósi þess að árið 2006 hafi starfandi forsætisráðherra tekið við 55 milljónum í umslagi frá 2 fyrirtækjum. Fyrir okkur sem ekki erum löglærð fylgir 109. greinin hér á eftir til upplýsingar:

109. gr. [Hver sem gefur, lofar eða býður opinberum starfsmanni gjöf eða annan ávinning, sem hann á ekki tilkall til, í þágu hans eða annarra, til að fá hann til að gera eitthvað eða láta eitthvað ógert sem tengist opinberum skyldum hans skal sæta fangelsi allt að 3 árum eða sektum ef málsbætur eru fyrir hendi.
Sömu refsingu skal enn fremur sá sæta sem beinir slíku að manni, sem heldur því fram eða veitir vissu fyrir að hann geti haft óeðlileg áhrif á ákvarðanatöku manns sem fjallað er um í 1. og 2. mgr. þessarar greinar, í því skyni að fá hann til að beita þessum áhrifum.
Enn fremur skal sæta sömu refsingu sá maður sem heldur því fram eða veitir vissu fyrir að hann geti haft óeðlileg áhrif á ákvarðanatöku manns, sem fjallað er um í 1. og 2. mgr. þessarar greinar, og heimtar, tekur við eða lætur lofa sér eða öðrum gjöfum eða öðrum ávinningi, sem hann á ekki tilkall til, án tillits til þess hvort áhrifunum er beitt eða hvort þau leiða til þess markmiðs sem stefnt var að.]1)

FL-okkurinn

2009-04-07T23:36:00.002Z

Einhvern veginn efast maður um að Sjálfstæðismenn linni látum við að kalla andstæðinga sína Baugsflokk þótt þeir hafi orðið uppvísir um að hafa þegið 100 sinnum hærri styrk frá Baugsfyrirtæki en leyfilegt er samkvæmt lögunum sem gilda. Tuggan um Baug og aðra flokka er einfaldlega Sjálfstæðismönnum svo inngróin að þeir eru farnir að trúa henni sjálfir. Og það þrátt fyrir að sjálfur Jóhannes í Bónus hafi birt heilsíður þeim til stuðnings síðasta kjördag. Nei, þeir munu halda áfram að ólíkt þeim, sem eru undir stjórn Bjarna Benediktssonar, þá séu aðrir flokkar í sérstökum tengslum við auðmenn - og líklega Jóhanna Sigurðardóttir mest af öllum. Já, nú er fjandinn laus.

Þessi 30 milljóna styrkur er kominn upp á yfirborðið, en við munum aldrei frétta af öllum hinum stóru styrkjunum sem duttu inn á reikninga FLokksins.

Skákmaðurinn kæni mælir með ESB

2009-04-04T19:29:00.001Z

Ég er á þeirri skoðun núna að menn eigi að kanna það sem fyrst hvort við komumst inn í Evrópusambandið á viðunandi forsendum. Ég held að það muni hjálpa okkur í þessum hremmingum sem við erum í og sér ekki fyrir endann á. Þegar menn eru í vandræðum þá verður að reyna að knýja dyra þar sem hjálpar er að vænta.

- Margeir Pétursson, Mbl

Hann hlýtur að kjósa Samfylkinguna í vor

Athyglisverður punktur hjá Jónasi

2009-04-04T18:31:00.003Z

Langflestir eru sáttir
Níu af hverjum tíu Íslendingum eru frekar eða mjög ánægðir með líf sitt, þrátt fyrir kreppuna. Þetta segir okkur enn ein skoðanakönnunin. Aðrar kannanir sýna, að stjórnarflokkarnir tveir hafa öruggan meirihluta kjósenda. Loka varð stöð með áfallahjálp, því að fáir vildu nota hana. Engir biðlistar hafa myndazt á stöðum, þar sem lagður er grunnur að minni greiðslubyrði fólks. Fólk er hætt að berja búsáhöld á Austurvelli. Samtals sýnir þetta, að almennt telur fólk hreyfingu vera komna á samfélagið í átt til betri tíma. Sú skoðun er sennilega fullsnemma fram komin. En bjartsýni fólks er mikil.

Þetta sýnir að það er mögulegt að komast gegnum þetta ástand án þess að fara í aðgerðir sem skuldsetja okkur meira en orðið er.

Hans eigin orð

2009-04-01T14:09:00.002Z

„Ég tel að ein þjóð geti varla afneitað eigin gjaldeyri meira en svo að neita að taka við honum fyrir eigin útflutning,” segir Vilhjálmur Egilsson. Er nokkur furða að það sé stirt milli hans og hins þarna fynda með hárið.

Enginn Davíð?

2009-04-01T10:02:00.003Z

Örvænting Sjálfstæðismanna birtist í dýrustu heilsíðuauglýsingunni í Morgunblaðinu í dag. Auglýsingin er tilraun til að sýna landsfundinn sinn í betra ljósi en blasti við þjóðinni um helgina. Þess vegna er engin mynd af Davíð í auglýsingunni og engir brandarar um Alzheimer. Þeir tala um að hafna há- og millitekjuskatti. Á mannamáli þýðir það bara eitt: Lágtekjuskatt!

Smelltu til að hlusta

2009-03-30T15:52:00.001Z

Ástæða þess að ég treysti Jóhönnu til að semja við ESB:

2009-03-30T14:52:00.004Z

Aðspurð um hvort hún sé harður Evrópusinni:

„Nei, það er ég ekki. Ég vil fara varlega í Evrópumálum og hef verið í þeim hópi Samfylkingar sem vill fara sér hægt í inngöngu í sambandið. Ég hef þó komist að því að vitræn umræða um aðild mun aldrei eiga sér stað nema að við förum í aðildarviðræður til þess að vita hvað við fáum. Það eru mjög skiptar skoðanir um ávinninginn, sérstaklega hvað varðar sjávarútveginn.“

Í þessum orðum Jóhönnu frá 2007 er fólgin spásögn um vandræðagang Sjálfstæðisflokksins í Evrópumálum. Engin vitræn niðurstaða þar - aðeins klappað fyrir því að Sjálfstæðisflokkurinn ráði yfir sjávarútvegsauðlindinni áfram!

Ástandið á Íslandi kallar á skýrar lausnir og afdráttarlausa forystu. Samningaviðræður við ESB undir stjórn Jóhönnu eru besta leiðin áfram. Svo kýs þjóðin um niðurstöðuna.

Freudian slip þingmanns á landsfundi

2009-03-27T10:56:00.004Z

“Vilji Sjálfstæðisflokkurinn halda yfirráðum sínum yfir sjávarútvegsauðlindinni, þá felur það í sér að Sjálfstæðisflokkurinn vill standa utan Evrópusambandsins. Og því fagna ég...”
Sigurður Kári Kristjánsson, á landsfundi í dag

Hverjum þykir sinn fugl fagur

2009-03-27T09:29:00.002Z

Ókeypis peningar

2009-03-26T09:20:00.002Z

Eitt sem ég skil ekki, ef það kostar ekkert að fella niður skuldir hjá öllum, óháð tekjum og eignum; hvers vegna að draga mörkin við 20%? Því ekki bara að fella allt heila klabbið niður?

Hirðar án fjár

2009-03-25T10:45:00.001Z

Hvar er nú Pétur Blöndal í allri umræðunni um Sparisjóðina?

Stysta vísan

2009-03-24T14:17:00.002Z

Ef á
að
þvo þá
það

Þessa stystu rétt kveðnu vísu veraldarinnar rakst ég á hjá Guðmundi Andra. Hana er hægt að læra utan að!

Auglýsingascrum

2009-03-16T14:58:00.002Z

Mér er boðið á námskeið:

Á námskeiðinu verður gefið yfirlit yfir helstu aðferðir innan Agile, sérstök áhersla verður lögð á Scrum aðferðafræðina sem hefur náð töluverðum vinsældum síðustu ár. Þar verður fjallað um helstu hugtök, hlutverk og uppbyggingu aðferðafræðinnar og tengsl hennar við skipulag fyrirtækja í dag. Námskeiðið byggist upp á fyrirlestrum og æfingum í hópum.

Ætlaði að bæta við einhverju hnyttnu hér, en þess þarf eiginlega ekki...

Spá um prófkjör Sjalla

2009-03-13T11:51:00.002Z

Ég birti þennan spádóm Svanssonar í heild sinni og geri hann að mínum:

* Jórunn Frímannsdóttir nær ekki 2. sæti, þó hún sé formaður Þróttar.
* Ármann mun mæta á kjörstað í lopapeysu með bindi, og hugsanlega mun sjónvarpið fá að vita af því.
* Webbinn mun fordæma fréttamenn og fjölmiðla almennt fyrir fréttaflutning þeirra um prófkjör flokksins.
* Hinn lopapeysuskrýddi sjallinn mun áfram fara framhjá fjölmiðlum, án þess að Vefþjóðviljinn kvarti sérstaklega undan fréttamönnum landsins fyrir vikið.
* Árni Johnsen mun ekki tapa mörgum atkvæðum í Vestmannaeyjum þó kosningablaðið hans hafi týnst.
* Björn Bjarnason mun skrifa pistil (því ekki bloggar hann) um prófkjörsniðurstöðuna, og í pistlinum mun verða útúrdúr sem túlka má sem skot á Guðlaug Þór.
* Fresta mun þurfa kosningu á fyrri kjördegi þegar í ljós kemur að óprúttnir aðilar geti hreinlega flett því upp úti í bæ hverjir séu skráðir í flokkinn og hvort þeir hafi kosið, enda hafa Sjálfstæðismenn löngum verið alræmdir klaufar þegar kemur að því að framkvæma kosningar. …
* Guðlaugur Þór mun, ef hann sigrar, strax og niðurstöður liggja fyrir lýsa yfir framboði til formanns á sunnudaginn. Loftur Altice mun hins vegar túlka niðurstöðuna sem stuðningsyfirlýsingu við eigið formannsframboð.
* Fremsti fréttavefur landsins mun skrifa mikla og ítarlega lofgrein um sigurverara prófkjörs í Reykjavík, hver sem hann nú verður, enda vilja þeir byggja upp samheldni í flokknum á þessum erfiðu tímum í þjóðfélaginu.
* Jónas.is mun úthrópa hinn almenna íhaldsmann að prófkjöri loknu, og fá miklar undirtektir í kommentakerfinu. Ritstjórn dv mun daginn eftir vitna orðrétt í hin frumlegu ummæli þessa “víðlesna bloggara”.
* Reykjavíkurbréf Morgunblaðsins mun verða helgað þeim tímamótum sem niðurstöður prófkjörsins fela í sér fyrir Sjálfstæðisflokkinn og þjóðina alla. Á þessari stundu ríkir liggur hins vegar ekki fyrir hvort það verður borið saman við fyrri álíka tímamótaviðburði í sögu flokksins, enda ekki vitað hversu langt aftur minni nýja ritstjórans nær um slíka hluti.
* Smugan mun skrifa fréttaskýringu undir fyrirsögninni “Konum hafnað”.

Búðu til þitt eigið lýðræði

2009-03-06T16:16:00.003Z

Ég hvet alla sem geta til að skrá sig í stjórnmálaflokka og taka þátt í þeim prófkjörum sem eru að hefjast þessa dagana. Það er mesta lýðræðið sem er í boði. Kannski þarf að skrá sig í flokkana og menn geta svo skráð sig úr þeim ef það hentar. Ég hygg að ekki náist að koma á fót persónukjöri fyrir alþingiskosningarnar. Þess vegna er mikilvægt að sem flestir taki þátt í prófkjörunum - helst í öllum þeim flokkum sem þeir geta hugsað sér að kjósa. Nánari upplýsingar um hvernig hægt er að skrá sig eru á heimasíðum flokkanna.

Var alltaf að vara við þessu

2009-02-25T09:23:00.003Z

Það var einu sinni drengur sem bjó í litlu þorpi í sveit. Drengurinn hafði þann starfa að gæta fjárins og fór með hjörðina í hagann á hverjum degi. Einn daginn leiðist drengnum að leika sér við kindurnar og hrópaði: Úlfur! Úlfur! Það er úlfur að drepa kindurnar okkar! Þorpsbúarnir þustu út í hagann vopnaðir prikum og kylfum, albúnir að vernda féð. Þar fundu þeir stráksa þar sem hann engdist um af hlátri. Þorpsbúarnir sneru til baka sárir og reiðir. Daginn eftir leiddist drengnum enn meira. Hann hrópaði nú enn hærra en áður: Úlfur! Úlfur! Það er úlfur að drepa kindurnar okkar! Hópur þorpsbúa kom hlaupandi, albúinn að verja féð en fann aðeins drenginn í hláturskrampa. Daginn eftir, þegar drengurinn er að gæta fjárins í haganum, kemur stór og ljótur úlfur þar að og byrjar að drepa kindurnar eina af annarri. Strákurinn er felmtri sleginn og hrópar upp yfir sig: Úlfur! Úlfur! Það er úlfur að drepa kindurnar okkar! Þorpsbúarnir heyrðu köllin en hristu bara hausinn og sögðu, þessi gaur er nú bara með Úlfinn á heilanum.

Svo kom strákurinn hlaupandi inn í bæinn og sagði fréttirnar. Þegar hann var skammaður brást hann hinn versti við og minnti á að hann hefði varað við þessu aftur og aftur.

Ekki er hár söðull kóngsins

2009-02-19T10:30:00.005Z

Það mátti búast við þessu. Ekki er fyrr búið að slengja því framan í alþjóð að Björn Jörundur sé í þeim stóra hópi sem einhvern tímann hefur fengið sér í nebbann, þá spretta fram vandlætarar og siðapostular.

Einn sker sig úr og gagnrýnir það að fyrrverandi dópneytandi dæmi í karókíkeppni Stöðvar 2:

„Ég er í áfalli, mér finnst ég eiga svo mikið í Idolinu.", segir Bubbi Morthens. Hann segist hafa heyrt í fullt af fólki sem hóti að segja upp áskrift af Stöð 2 ef Björn verði ekki látinn fara. „Skaðinn er skeður, en þeir gætu minnkað hann með því að láta hann fara og ráða annan dómara í Idolið," segir Bubbi að lokum.

Steinar? Glerhús?

---
UPPFÆRT 11:20
---
Bubbi skrifar eftirfarandi á heimasíðu sína:

"Mér varð á í dag það hringdi í mig kona frá vísi.is og var að biðja mig tala við Telmu Tómasar
við fórum að ræða þetta leiðinda mál með Birni og það sem ég sagði hélt ég að væri bara svona pæling um stöðuna á þessu máli en ég gerði mér einga grein fyrir því þetta væri viðtal þannig hefði svo verið hefði ég hagað orðum mínum öðruvísi Björn átti ekki þetta skilið frá mér í dag enn ég ber ábirð á því sem ég seigi og ég sagði þetta við þessa konu þannig ég bið hann afsökunar á þessu orðum mínum," skrifar Bubbi á heimasíðu sína Bubbi.is í dag.

Gott hjá Bubba!

Klínt á Flokkinn?

2009-02-18T09:28:00.005Z

Pistill Benedikts Jóhannessonar er til marks um að Sjálfstæðismenn séu að vakna til lífsins hver á fætur öðrum og átta sig á því að þeir þurfa að segja fyrirgefðu við þjóðina. Benedikt, sem er frændi Bjarna Benediktssonar, segir að Flokkurinn þurfi ekki að bíða eftir einhverri rannsókn áður en hann viðurkennir ábyrgð sína á því hræðilega ástandi sem hér ríkir eftir 18 ára valdatíð Sjálfstæðisflokksins.

Benedikt segir að Flokkurinn þurfi að biðjast fyrirgefningar fyrir eftirtalda hluti: Einkavæðingu bankanna, peningamálastefnuna, fyrir að kæfa alla umræðu um veikleika krónunnar, sjóðasukk bankanna sem skattborgarar borguðu „svo lítið bar á“ og loks Icesave. Þetta er býsna hressilegt syndaregistur, svo ekki sé meira sagt. Benedikt bætir við:

Listinn gæti verið miklu lengri.

Það þarf ekki að bíða eftir neinni skýrslu frá rannsóknarnefndum. Sjálfstæðismenn eiga sjálfir að horfast í augu við fortíðina, fara yfir mistökin og biðja þjóðina afsökunar á þeim.

Þetta sýnir að uppgjör er að ryðja sér farveg innan Fálkaflokksins. Það væri mikilvægur þáttur í 'sorgarferli' þjóðarinnar og myndi án efa hjálpa flokknum í kosningum líka.

En þingmenn Flokksins virðast þó ekki tilbúnir að segja fyrirgefðu við þjóðina:
„Ekki hægt að klína þessu á Sjálfstæðisflokkinn“

Sterk króna

2009-02-17T10:35:00.001Z

Samkvæmt mbl.is

Sjálfstæðisflokkurinn stjórnlaus?

2009-02-16T14:10:00.001Z

skv. Wikipedia:

Dýrasta hús í heimi?

2009-02-13T13:44:00.003Z

Gísli Marteinn bendir á í góðum pistli að þegar bygging tónlistarhússins hófst hafi verið gert ráð fyrir að það yrði dýrara en Guggenheim safnið í Bilbao.

Af hverju hefur þetta ekki komið fram áður - þvílík vísbending um að bankarnir og þjóðin voru gjörsamlega veruleikafirrt!

Blaðamenn Time ekki að vinna vinnuna sína

2009-02-12T15:38:00.002Z

Time útnefnir Davíð Oddsson sem einn af þeim 25 mönnum sem mesta ábyrgð bera á efnahagshruninu worldwide. Það er greinilegt að Time stjórnast af hatri á einum manni og fagleg blaðamennska í lágvegum höfð. Eins og Gauti bendir á eru blaðamenn Time ekki búnir að lesa óbrotgjarna minnisvarðagrein Friðbjörns Orra Ketilssonar Skjöldur gegn skálmöld. Er Time annars ekki Baugsmiðill?

N1 í formannsslag í Sjálfstæðisflokknum?

2009-02-12T09:34:00.007Z

Mér hefur lengi fundist vanta að blaðamenn leggðu almennilegan metnað í fyrirsagnir blaðagreina. Víða erlendis er fyrirsagnagerð ákveðið listform þar sem menn leika sér með tvöfalda eða margfalda merkingu orða. Það var því mikið gleðiefni fyrir mig að sjá örla á snjallri hugsun í Morgunblaðinu í dag í frétt um Bjarna Benediktsson, fyrrverandi stjórnarformann N1. Fyrirsögnin hjá Rúnari Pálmasyni, blaðamanni, var:

Enn einn í formannsslag.

Kannski bara Freudian slip?

Formannadúó

2009-02-11T16:27:00.001Z

Er ekki eitthvað bogið við það að tveir formenn skilanefnda bankanna komi fram sem einhvers konar dúó? Skrifi sameiginleg afsagnarbréf?

Dýrkeypt lexía

2009-02-10T01:18:00.002Z

Hagfræðingarnir Jón Daníelsson og Gylfi Zoega komast að eftirfarandi niðurstöðu um efnahagshrunið á Íslandi:

„Hrun íslenska hagkerfisins er vitnisburður um afleiðingar afnáms hafta, einkavæðingar
viðskiptabanka og slaks fjármálaeftirlits í heimi ódýrs fjármagns. Hraður bati veltur á því
að yfirvöld taki rétt á málum til að stýra hagkerfinu inn á braut sjálfbærrar þróunar.
...
Því hefur verið haldið fram að ýmsar þjóðir Evrópusambandsins muni eiga við svipaða
erfiðleika og Íslendingar stríða við á næstunni. Er þar einkum átt við Bretland (Reykjavik
on the Thames!), Sviss, og Írland. Við höfum komist að þeirri niðurstöðu að skipbrot
Íslands eigi nægilega margar innlendar orsakir til þess að við getum fullyrt að ekki sé
líklegt að hinar þjóðirnar fari eins illa út úr kreppunni.“

Hvaða lærdóm ætlum við Íslendingar að draga af þessu? Og situr bankastjórn Seðlabankans virkilega enn?

Erlendir blaðamenn með Davíð á heilanum

2009-02-09T20:13:00.001Z

"Iceland’s problems can, in fact, be traced back to the early 1990s, when David Oddsson, a short-story writer and former Reykjavík mayor, was elected prime minister."

http://www.portfolio.com/news-markets/international-news/portfolio/2009/02/09/Icelands-President-and-First-Lady#page5

Þjóðin með Davíð á heilanum - myndir

2009-02-09T16:55:00.002Z

Mest lesnu fréttirnar á dv.is

Getraun dagsins

2009-02-09T14:13:00.000Z

Hver skrifar?

"Ef þið lagið ekki þvæluna sem þið gerðuð í síðasta vaxtaóðagoti, er það endanlegt dæmi þess að þið vitið ekki hvað þið eruð að gera og þá mun ég sjá til þess fyrr en nokkurn grunar að menn komi að bankanum sem viti hvað þeir eru að gera. Ég vil fá svar frá þér annað en skæting í fjölmiðlum strax því ég mun ekki sitja lengur kyrr."

Fjórði mesti afglapi heims situr áfram

2009-02-08T17:47:00.004Z

Davíð Oddsson segir að enginn telji hann hafa gert nokkuð rangt í starfi og því eigi hann ekki að víkja. Það er bull. MarketWatch telur t.d. Davíð fjórða mesta afglapann í öllu efnahagshruninu.Sjá þetta t.d. frá 8. október:

LONDON (MarketWatch) -- While the global credit crunch is clearly beginning to bite hard, there are some positives to the financial turmoil that it has wrought. You probably didn't do anything as embarrassing as the head of Iceland's central bank, who issued a statement announcing a 4 billion euro loan from Russia when Moscow hadn't actually agreed to it.

Ys og þys út af Stjána

2009-02-04T14:34:00.002Z

Kristján vinur minn fékk óblíðar móttökur hjá handfylli hægrisinnaðra bloggara og kommenterara þegar hann féllst á að aðstoða Össur í Utanríkisráðuneytinu. Hann missir þó ekki svefn yfr því en Gauti hefur þó haft fyrir því að setja málin í samhengi fyrir þá sem kæra sig um. Sjá hér.

Tvær myndir

2009-02-02T11:22:00.003Z

Sá tvær myndir um helgina

Vicky, Christina, Barcelona. Ágætis mynd um ævintýri tveggja amerískra kvenna í hinni stereótýpísku Suður-Evrópu, þar sem allir eru blóðheitir listamenn og hálfklikkaðir.

The Wrestler: Stórmögnuð mynd um afdrif þekkts fjölbragðaglímumanns, 20 árum eftir hápunkt ferils síns.

Helstu fréttir helgarinnar voru kaup á forláta Canon EOS 450D. Nú mega myndefnin fara að vara sig.

Minnihlutastjórnin stendur í Framsókn

2009-01-30T15:08:00.002Z

Það er ljóst að Framsóknarflokkurinn er að heykjast á loforði um að verja minnihlutastjórnina, heimta ákveðna hluti og setja strangari skilyrði en áður var heitið. Mín skoðun er þessi: Ef Framsóknarflokkurinn ætlar að ráða svona miklu þá á hann einfaldlega að vera í stjórninni - og axla þá um leið fulla ábyrgð á því sem verður gert.

Ef Framsókn ver stjórnina fram á vor gegn almennum fyrirheitum í stað tölusetts aðgerðaplans eru þeir góði gæinn hvernig sem fer; geta þvegið hendur sínar af því sem fer úrskeiðis og verður óvinsælt. Ef þeir setja of ströng skilyrði gætu þeir setið uppi með svartapétur í vor - svona svipað og Alþjóðagjaldeyrissjóðurinn, sem mörgum er ekkert allt of vel við akkúrat núna.

Sjáum hvað setur.

Sparnaður með nýrri ríkisstjórn

2009-01-29T13:08:00.001Z

Það er augljós sparnaður að fá Vinstri græn í ríkisstjórn - þau þurfa ekki ráðherrabíla og bílstjóra, því þau eru alltaf í strætó!

Verður Katrín eini hvíti ráðherrann?

2009-01-27T20:06:00.002Z

Það er fyrirsjáanlegt að Ingvi Hrafn bölsótist út í þá ríkisstjórn sem er í burðarliðnum. En að hann kalli Katrínu Jakobsdóttur „einu hvítu manneskjuna“ í ráðherrahópi VG, kemur á óvart. Maður spyr sig.

Jóhannu sem forsætisráðherra?

2009-01-26T14:18:00.003Z

Það hefði verið sterkur leikur að sýna þá samstöðu með heimilunum í landinu að gera Jóhönnu Sigurðardóttur að verkstjóra í ríkisstjórn Íslands á þeim erfiðu tímum sem fram undan eru....Fylgjumst vel með í dag.

Spádómur dagsins

2009-01-23T11:21:00.003Z

Að í dag verði boðað verði til kosninga í júní og stjórnin sitji þangað til. Verður það nóg til að lægja öldurnar. Varla.

---
Uppfært kl 13:06. Fyrri hluti spádómsins hefur nú ræst af óvæntum ástæðum. Óska Geir Haarde góðs og skjóts bata.

Breyttar áherslur á Stöð 2

2009-01-22T14:49:00.002Z

Þessi mynd sýnir glögglega breyttar áherslur á Stöð 2. Þjóðmálabloggið hans Sigmundar Ernis er farið og í staðinn koma Simmi og Jói hressir inn.

Virðing alþingis

2009-01-21T09:53:00.000Z

Haarde og Obama

2009-01-20T14:50:00.001Z

Mótmælt er við alþingi, piparúða beitt til að halda aftur af réttlátri reiði. Í Bandaríkjunum safnast milljónir saman til að hylla nýjan forseta.

Ástandið í Bandaríkjunum er ekki svo beysið, en þeir fagna, því þeir eru að taka við leiðtoga sem hefur fyllt þá von með sterkum málflutningi og nýjum hugmyndum.

Það er kominn tími á viðlíka breytingar hér.

The end of the beginning and the beginning of the end

2009-01-20T09:45:00.001Z

The end of the beginning...

and the beginning of the end

Kaka fer ekki til spilltu milljarðamæringanna hjá City...

2009-01-20T09:23:00.002Z

...því hann vill vinna áfram fyrir Berlusconi. Ehemm.

Reyndar virðist Kaka vera býsna einangrað tilfelli í fótboltaheimum þar sem hann lætur peninga ekki slá sig út af laginu - er ekki leiksoppur gráðugs umboðsmanns. Merkilegt að sjá þessa tilvitnun í Guardian:

I have never asked for a raise in my salary and I will never do. Milan were always nice to me raising my salary whenever they felt it was fair to do it. I can only thank them for this.

Það hefði alveg verið gaman að sjá Kaka í ensku deildinni - en er þessi flugeldainnspýting hjá City ekki að breytast í einhvers konar Frankenstein-Chelsea? Guardian segir:

It will be of little consolation to the City faithful that West Ham striker Craig Bellamy joined the club yesterday for £14m and that an offer for the midfielder Nigel de Jong has been accepted by Hamburg. Of further concern will be reports last night that Robinho had walked out of City's training camp in Tenerife after a row with manager Mark Hughes. One report claimed the pair had fallen out over Robinho's desire to return to Brazil to celebrate his 25th birthday, which falls this Sunday, with family.

Þreytt Fólk í blokkinni

2009-01-19T13:50:00.003Z

Á einum þekktasta veitingastað heims er hægt að fá rétt sem heitir Parmesanloft. Sem er eiginlega bara lykt. Það rifjaðist upp fyrir mér á leiksýningunni Fólkið í blokkinni í gær. Miklar umbúðir um lítið innihald. Lykt af góðu leikriti. Það byrjar nógu skemmtilega, umgjörðin og leikmyndin og fyrsta lagið lofa góðu en svo fjarar undan þessu með endurtekningum og bragðdaufum persónum í fyrirsjáanlegum aðstæðum, engli og einhverju. Hallgrímur sem lék þroskahefta strákinn fannst mér bestur af leikurunum og besta atriðið var þegar faðir hans söng hann í svefn.

Ég hafði, sem gamall aðdáandi, mest gaman af Geirfuglunum og gaman að sjá Þorkel og Frey spreyta sig í leikarahlutverkum. Stjarna verksins: Ragnar Helgi Ólafsson í hlutverki þöglu hugsandi bassatýpunnar!

Hannes hrósar Wade og Þorvaldi Gylfasyni

2009-01-16T17:48:00.002Z

Í níðgrein sinni um Robert Wadeí Fréttablaðinu í júlí, áður en frjálshyggjuhrunið brast á, líkir HHG honum við Ditmar Blefken sem rægði Íslendinga á 17. öld. Hannes minnir einnig á að Þorvaldur Gylfason var duglegur í því að vara við ástandinu. Ekki er minnst á það að Davíð hafi varað við neinu.

Nú er nýr Blefken kominn til sögunnar, þótt hann láti sér nægja stutta grein í breska blaðinu Financial Times 1. júlí. Þar heldur Robert Wade, stjórnmálafræðiprófessor í Hagfræðiskóla Lundúna, því fram, að íslenska hagkerfið standi á brauðfótum. Bankarnir hafi verið seldir óreyndum aðilum, tengdum „íhaldsmönnum“, eins og hann orðar það. Líklega muni ríkisstjórnin brátt springa, þegar Samfylkingin slíti samstarfinu við Sjálfstæðisflokkinn. Væntanlegur kosningasigur Samfylkingarinnar sé kærkominn, því að þá muni Ísland aftur hverfa í röð norrænna velferðarríkja, sem leyfi ekki fjármagninu að vaða uppi óheftu, eins og verið hafi.

Grein Wades er tímasett, svo að hún komi íslenskum bönkum sem verst í þeim vanda, sem þeir hafa ratað í á lánamörkuðum erlendis (og sést best á háum skuldatryggingarálögum), en auk hinnar alþjóðlegu lánsfjárkreppu gjalda íslensku bankarnir þess, hversu hratt þeir hafa vaxið og hversu marga öfundarmenn þeir eiga meðal erlendra keppinauta. Ekki þarf hins vegar að leita lengi að íslenskum heimildarmanni hins nýja Blefkens. Wade endurtekur í meginatriðum það, sem Þorvaldur Gylfason hagfræðiprófessor hefur skrifað vikulega hér í blaðið síðustu árin.

Hannes bætir við:

Ég er líka sammála þeim Friðrik Má og Portes um það, að íslenska hagkerfið standi traustum fótum, þegar til langs tíma er litið.

Ofsi [***1/2]

2009-01-15T13:36:00.004Z

Ofsi stendur ekki alveg undir hæpinu. Í fyrsta lagi er hún eiginlega bara nóvella - örstutt. Það er hins vegar líka kostur bókarinnar. Hún er þrusuþétt og mjög dramatísk og skartar fjölda áhugaverðra persóna. Mér finnst þó titilpersónan ekki ná nógu góðu flugi, vantar aðeins haldbærari skýringu á voðaverki hans finnst mér. Mér finnst Gissur standa upp úr í sögunni sem vel mótaður og áhugaverður karakter af hendi höfundar. Hann kemur heim með glýju í augum eftir hirðsetur ytra. Þreyttur á stríðinu og veseninu sér hann möguleika á að koma á friði í landinu með aðferðum stríðskonunga Evrópu, með mægðum. En svo fer sem fer og það kemur í ljós að aðferðin hentar ekki til heimabrúks, óvild andstæðinga er of djúp, voðaverk fortíðarinnar of stór auk þess sem minnstu smámunir verða rót mestu andstyggðarverka eins og í tilfelli Þorsteins grenju. Góð nóvella og maður bíður eftir meiru frá Einari úr þessari átt og mest væri gaman að kjamsa á stórri bók um Snorra og ævintýri hans.

Bókrýni - Vatn handa fílum (***)

2009-01-14T16:19:00.002Z

Skemmtileg bók þar sem senílt gamalmenni rifjar upp eftirminnilega, oft grimmdarlega, sýningarferð með afdönkaðri sirkuslest á kreppuárunum.

Þannig

2009-01-07T13:08:00.001Z

Er ég einn um að hafa áhyggjur af ofnotkun orðsins þannig?

Sjá hér í nýrri frétt:

Á einu ári hefur Evran þannig farið úr 90 krónum í 167 og japanskt jen úr 50 aurum í 1,3 krónur samkvæmt gengisskráningu Seðlabankans.

Myntkörfulán hafa þannig tvöfaldast á aðeins skömmum tíma.

Obama Gaza

2009-01-07T11:38:00.001Z

Hefur eitthvað spurst til þess hvað Barack Obama finnst um árásir Ísraela á Gaza?

Orð skulu standa - glæsilegur áramótaþáttur

2009-01-06T11:24:00.002Z

Verð að hrósa Karli Th. og félögum fyrir stórbrotinn áramótaþátt. Þátturinn var eins konar stjörnustríð þar sem menn á borð við Jakob Frímann, Megas, Bubbi, Björn Jörundur, Egill Ólafs og fleiri komu við sögu.

Jólabókarýni

2009-01-02T16:08:00.002Z

Hef lesið þrjár úr flóðinu. Dimmar rósir, Land tækifæranna og Gott á pakkið, ævisögu Dags Sigurðarsonar.

Dimmar rósir er vel gerð skáldsaga um merkilegt fólk á áhugaverðum tímum, gerist kringum 1970. Bókin hefur að geyma litríkar og eftirminnilegar lýsingar á samfélagi þess tíma.(****)

Land tækifæranna eftir Ævar Örn Jósepsson er ágætur krimmi og nýtur þess að vera skrifaður inn í hrun íslenska efnhagsundursins. Plottið er svona la la en mér finnst stíllinn skemmtilegur. Sjónvarpsþættirnir Svartir englar höfðu áhrif á það hvernig maður les söguna. Maður sér Sólveigu Arnarsdóttur fyrir sér í hlutverki Katrínar og svo framvegis.(***1/2)

Gott á pakkið er lipurlega samansett ævisaga hins umdeilda, jafnvel goðsagnakennda, Dags Sigurðarsonar. Bókin er frumlega skrifuð og oft hreinn skemmtilestur og sýnir glögglega þá blöndu af skítseyði og ljúflingi sem Dagur hefur verið. Las hana í einum rykk og er margs vísari. (****)

Impregilo skattur - afsögn!

2008-12-23T15:03:00.000Z

Sá sem ber ábyrgð á því að greiða þarf Impregilo 2 milljarða króna ætti helst að vera hýddur, tjargaður og fiðraður. Það minnsta sem hægt væri að gera væri að segja af sér. Fjandakornið. Var ekki hitt allt nóg?

tvíförur dagsins

2008-12-23T09:32:00.001Z

Peggy Olson úr Mad Men

Ólöf Arnalds

Sakaruppgjöf Forseta í Glitni

2008-12-18T15:38:00.001Z

Úr Gylfaginningu:

Forseti heitir sonr Baldrs ok Nönnu Nefsdóttur. Hann á þann sal á himni er Glitnir heitir, en allir er til hans koma með sakavendræði, þá fara allir sáttir á brott. Sá er dómstaðr beztr með goðum ok mönnum:

Góða ferð meistari

2008-12-12T11:19:00.002Z

Þegar ég var í Gagnfræðaskóla Keflavíkur, Holtaskóla, hengu risastórar myndir af Hljómum í sal skólans. Þar sem ég vinn núna hangir risastór mynd af Rúnari Júlíussyni og er það vel. Þótt lögin hans séu ekki endilega þau bestu þá er alltaf í þeim einstök stemmning, einlæg og vítamínrík. Og keflvíski hreimurinn stórkostlegur. Fyrsta skiptið sem ég sá hann spila var á 17 júní æsku minnar í Keflavík en síðan hef ég upplifað tónleika víða; á Akureyri, í Úthlíð, í Stapa og á SÍA balli í Súlnasal þar sem óskalögin mín fengu að hljóma hvert á fætur öðru. Sveitapiltsins draumur var líklega spilaður þrisvar það kvöld. Einnig varð ég vitni að endurkomu Hljóma í Laugardalshöllinni og var það magnað. Nú hefur Rúnar Júlíusson húkkað sér far aðra leiðina eftir Reykjanesbraut eilífðarinnar. Góða ferð meistari!

Klukk frá Eika

2008-12-10T10:58:00.002Z

Pínu lummó, en ágætt að rifja þetta upp.

1. Fjögur störf sem ég hef unnið um ævina:

Humarvinnsla

Foringi í Vatnaskógi

Innsláttarmaður á Orðabók Háskólans

Múrhandlangari í Grafarvogi

2. Fjórar íslenskar bíómyndir sem ég held upp á:

Veiðiferðin

Rokk í Reykjavík

Nýtt líf

Umbarumbamba

3. Fjórir staðir sem ég hef búið á:

Kleppsvegi 2

Bergið í Keflavík

Kjartansgötu

Reynimel

3. Einn staður sem ég myndi aldrei búa á:

Gaza

4. Fjórir staðir sem ég hef heimsótt í fríum:

Sevilla

Tydal í Noregi

Göreme í Tyrklandi

Knossos

5. Fjórir sjónvarpsþættir sem mér líkar:

Mad Men

Fótbolti

David Attenborough

Einu sinni var

6. Fjórar síður sem ég skoða daglega:

Flettismetti

Eyjan.is

Dr. Gunni

Baggalútur

7. Fernt sem ég held upp á matarkyns:

Heimagerð pizza með örþunnum botni

Humar

Jómfrúin & öl

Góð steik og rauðvín

8. Fjórar bækur sem ég hef oft lesið:

Egils saga

Sjálfstætt fólk

It’s not how good you are. It’s how good you want to be. (Paul Arden)

Renault Mégane – owners manual.

9. Fjórir staðir sem ég myndi helst vilja vera á núna:

Hótel Búðir

Istanbúl

New York

Zanzibar

Veit ekki um neinn sem les þetta blogg þannig að ég klukka ekki á móti.

Forsetaserían

2008-12-09T16:09:00.000Z

Minning hans lifi

2008-12-05T09:55:00.002Z

Trans dans

2008-12-04T13:42:00.000Z

Gauti og Krugman

2008-12-04T10:02:00.004Z

Ánægður með að Nóbelsverðlaunahafinn Krugman sé ánægður með Gauta. Kom heim til Krugmans með Gauta og Stjána snemma árs 2001. Þá stóð hann fyrir utan húsið í gúmmístígvélum og var að vökva ef ég man rétt. Útvarpsfréttamaðurinn Stjáni vildi taka stutt viðtal en Krugman þverneitaði. Sagði að ef menn vildu vita hans skoðanir á nýjum forseta og ríkisstjórn þá gætu menn lesið pistlana hans í New York Times. „My opinion lands on millions of doorsteps every day“ ef ég man þetta rétt. Samt var hann ekki búinn að vinna Nóbelinn á þessum tíma.

Ríkið - er það ekki ég?

2008-11-27T11:40:00.003Z

Hvað finnst fólki um það fordæmi sem ÁTVR sýnir með hraðhækkunum á vörum sínum í dag? Á ekki Ríkið að ganga á undan með góðu fordæmi og reyna að halda aftur af hækkunum? Fjandakornið. Allt hækkar þetta vísitölu neysluverðs og lánin okkar um leið.Hvers konar rugl er þetta?

Mæli með Gilligill

2008-11-24T18:14:00.002Z

Það er óhætt að mæla með tónleikunum Gilligill í Salnum Kópavogi fyrir börn sem fullorðna. Pælið í því næsta sunnudag.

Föstudagsfundir

2008-11-22T00:17:00.002Z

Ég veit ekki með ykkur, örfáu lesendur, en ég hef fengið mig fullsaddan af blaðamannfundum á föstudögum þar sem tillkynnt er um hina og þess smá dúsu fyrir almenning til að dempa reiðina í þjóðfélaginu. Eins og allar aðgerðir okkar háu herra séu einungis miðaðar við að draga úr fjölda mótmælenda á laugardögum. Fjandakornið. Nú er bara kominn tími á að stokkað sé upp í stjórninni, embættismenn axli ábyrgð og boðað verði til kosninga ekki síðar en í haust. Þannig geta stjórnmálamenn, nýir sem gamlir, haldið uppboð á þeim hugmyndu sem uppi eru um það hverni þjóðfélaginu verði aftur komið á gott ról. Ég styð Samfylkinguna almennt séð. Þess vegna hvet ég hana til að leggja sitt á vogarskálarnar til að almenningur á Íslandi fái að fella dóma yfir þeim leiðum sem í boði eru til endurreisnar íslensks þjóðlífs. Ég styð Samfylkinguna meðal annars af því hún er þannig flokkur.

Bjarni dómsmálaráðherra DV?

2008-11-18T09:44:00.004Z

Er verið að gera grín? Líklega ekki. Líklega metnaðarleysi, enda Bjarna-villan á tveimur stöðum í fréttinni.

PubQuiz 14. nóv 2008

2008-11-17T10:16:00.004Z

Hallgrímur Jökull og Gummi Erlings báru sigurbjór úr býtum í spurningakeppni drykkjurúta á föstudaginn. Hér eru spurningarnar - spreyttu þig! Svörin eru í athugasemdakerfinu

1
Fyrir um ári síðan lögðu níu þingmenn úr öllum flokkum fram þingsályktunartillögu um prófessorsembætti kennt við Jónas Hallgrímsson - með vörn og sókn fyrir íslenska tungu og ljóðrækt að meginmarkmiði.

Í greinargerð með ályktuninni segir:
Íslensk tunga er ankeri íslenskrar þjóðar, lykillinn að sjálfstæðri menningu og þjóðerni. Íslensk tunga hefur alltaf átt undir högg að sækja, en hún er lífsseig með eindæmum og ber þannig spegilmyndina af eðli þjóðarinnar og virðingu fyrir tungunni þótt stundum pusi í þræsingum.

Nefnið einn af flutningsmönnum tillögunnar

2
Hvaða sérstöðu hafa Aðaldælahreppur og Öxarfjarðarhreppur meðal íslenskra sveitarfélaga?

3
Blóðsúthellingar, metnaðargirni höfðingja og raunir minni bænda eru Einari Kárasyni kært umfjöllunarefni í sögum hans sem eru byggðar á Sturlungu
Bok hans Ofsi er nýkomin út, framhald Óvinafagnaðar og væntanlega undanfari þriðju bókarinnar sem verður til að loka sögunni. Líkt og í Óvinafögnuði og Stormi fer Einar þá leið að láta hverja og eina persónu segja sína sögu og upplifun sína af mönnum og atburðum. Titill bókarinnar er sóttur í viðurnefni einnar af aðalpersónunum. Hvað heitir sá karakter sem er kallaður ofsi í Sturlungu....og Ofsa. Föðurnafn dugir.

4
Mikill fjöldi ferðamanna leggur leið sína í Vatíkanið og flestir freista þess að sjá dýrðina í Sistínsku kapellunni.

Þeir sem eru svo heppnir að fá að upplifa stemmninguna þar verða vitni að því að með reglulegu millibili kalla starfsmenn Vatíkansins eitt ákveðið orð til gestanna.

Hvaða eina orð er það sem gestir Sistínsku kapellunnar heyra frá starfsmönnum Vatíkansins?

5
Hér er tilvitnun
Í bók þessi lét eg rita fornar frásagnir um höfðingja þá er ríki hafa haft á Norðurlöndum og á danska tungu hafa mælt, svo sem eg hefi heyrt fróða menn segja, svo og nokkurar kynkvíslir þeirra eftir því sem mér hefir kennt verið.
Upphaf hvaða bókar er þetta?

6
Íslendiingasögurnar eru eitt dýrasta djásnið kórónu íslenskra bókmennta, þekktustu miðaldabókmenntir Íslendinga. Þær fjalla um Íslendinga á tímabilinu frá landnámsöld til fyrri hluta 11. aldar og gerast að mestu á Íslandi. Sem betur fer hefur töluverður fjöldi sagna varðveist í heild sinni og eru þær misjafnlega vel þekktar. Enginn veit hversu margar hafa glatast. Hver eftirtalinna Íslendingasagna er til dæmis ekki til.

Hænsna Þóris saga
Þórðar saga Hreðu
Tóftar-Sveins saga
Valla-Ljóts saga
Gunnar saga Keldugnúpsfífls

7
Páfarnir feta í fótspor Péturs postula. Hversu margir sporgöngumenn Péturs hafa tekið nafn hans?

8
Matthías Jochumsson orti um íslenska tungu:

Tungan geymir í tímans straumi
trú og vonir landsins sona,
dauðastunur og dýpstu raunir,
darraðarljóð frá elztu þjóðum.
Heiftareim og ástarbríma,
örlagahljóm og refsidóma,
land og stund í lifandi myndum
ljóði vígðum - geymir í sjóði.

En um hvern orti Mattias Jochumsson kvæðið sem í eru þessi erindi

„Hækkið þið seglin!“ hetjan kvað,
en Helja skjótari varð.
Boðinn skall yfir bárumar -
í búlkann var komið skarð.

Ef þrútið er loftið, þungur sjór
og þokudrungað vor,
þú heyrir enn þá harmaljóð,
sem hljóma frá kaldri Skor.

9
Hvaða eina orð getur þýtt þetta þrennt
Keppnisgrein, meira rennsli og hluti af vopni

10
Hreintungustefna er það kallað þegar menn forðast að taka erlend orð inn í tungumálið. Mörgum kann að virðast það forvitnilegt að Adolf Hitler lagðist mjög gegn hreintungustefnu. Hér á Íslandi hafa menn fylgt henni í orði kveðnu og er oft talað um orðið tölva í því samhengi. Áður en orðið tölva kom til var computerinn til dæmis kallaður rafmagnsheili. En hverjum er eignað orðið tölva sem er samsett úr orðunum tala og völva.

11
Hver er ‘Renegade’? Forverar hans voru meðal annars ‘Searchlight’, ‘Eagle’, ‘Trailblazer’, ‘Lancer’ og ‘ Deacon’

Til vísbendingar má geta þess að Renegade er reykingamaður sem hefur gaman af því að spila póker þótt fáir viti um það.

12
Ég hef haft það fyrir reglu að spyrja um Megas og engin ástæða til að bregða út af þeim vana. Hvað er Megas í samnefndum þáttum á sjónvarsstöðinni Cartoon Networks?

13
Á Íslandi er starfrækt fyrirtæki sem heitir Vatíkanið. Hvers konar fyrirtæki er það?

14
Þá er komið að vísnagátunni. Hver lína í vísunni gefur vísbendingu um lausnarorðið.

Bæjardyrum bjó það skjól.
Best er skín í heiði sól.
Fáum gefin sú er sjón.
Sjá má bera lögguþjón.

15
Tvö ríki sem hafa aldalanga reynslu af kúgun nýlendna standa nú í deilum við Ísland. Þetta eru Bretland og Holland. Bæði hafa líka miklu reynslu af veiðum við Ísland þar sem haft var að sporti að koma í land og snuða Íslendinga. Í annálum segir að þeir þykja viðsjálir í varplöndum og fuglabjörgum og eiga stundum til að hremma fé á afskekktum stöðum við sjó. Þar að auki er talið að helstu foringjar ræningjanna í Tyrkjaráninu hafi verið Hollendingar. Hvorki þeir né Bretar vilja nú verða við þeirri sanngjörnu kröfu okkar knésettu þjóðar að þeir skili peningunum sem við stálum af þeim. Reyndar er talið að Hollendingar, sem reyndar hálfpartinn fundu upp bankaviðskipti, gefist ekki upp fyrr en þeir hafi fengið alla Icesave innistæðurnar til baka og líka andvirði gullskipsins Het Wapen van Amsterdam sem strandaði á Skeiðarársandi og fórust á annað hundrað manna en fimmtíu til sextíu björguðust. Skip þetta var á heimleið frá Jövu með verðmætan farm gull, silfur og perlur, silki, pell, skarlat, léreft og dýra dúka, dýrmætar jurtir og desmerketti. Reyndar segja Hollendingar að við megum eiga desmerkettina. Á hvaða öld strandaði gullskipið?

16

Bretar heimta greiðslur fyrir Icesave upp á ótalrosahriklega marga milljarða Sterlingspunda. Þeir vilja þó ekki heyra á það minnst að fá greitt með hlutabréfum í flugfélaginu Sterling. Í byrjun ársins réðst Sterling í umfangsmikla markaðsherferð og náði að snúa áralöngum taprekstri við. Hvaða íslenskri tónlistarmaður samdi lagið sem var notað í sjónvarpsauglýsingunum fyrir Sterling?

17
Í gömlum sögum er talað um að Hollenskir veiðimenn við Ísland hafi verið mjög hrifnir af því að nota íslenska drengi til beitu. Ekki fylgir sögunni hvaða fiskar voru svo sólgnir í íslenskt drengjakjöt. Í þjóðsögum Jóns Árnasonar segir einnig frá manni einum er Guðbrandur hét og var Jónsson. Hann var „miðlungi góðgjarn, illur viðfangs og ójafnaðarmaður og fégjarn“. Svo fégjarn var Guðbrandur að hann seldi hollenskum sjómönnum einkason sinn, rauðhærðan, tíu eða tólf ára gamlan, en sjómennirnir hugðust nota blóð hans til lækninga og greiddu vel fyrir. Sagan segir að þegar Hollendingarnir komu út í fjarðarmynnið hafi þeir hengt drenginn upp á fótunum og tappað úr honum blóðinu og hafi óhljóð hans heyrst í land.

Samkvæmt sögunum þurftu strákarnir sem notaðir voru í beitu og til lækninga að hafa eitt útlitseinkenni sameiginlegt. Hvernig stráka vilja Hollendingar helst nota til þessara verka samkvæmt sögunni?

18.

Þeir sem svara þessari spurningu rétt fá flösku af hollenska bjórnum Heineken, sem er eðalmjöður, þótt hann komi frá næstmestu fávitaþjóð heims.
En þegar þú flettir upp orðinu mjöður í orðabók kemur fram að það er dálítið sértækt. Skv. Bókinni er Mjöður áfengur drykkur úr soðinni og gerjaðri blöndu af vatni og einu öðru hráefni. Hvaða nauðsynlega hráefni er það?

19
Heimildir eru um fjölmarga Íslenska pílagríma á miðöldum, má þar nefna Nikulás ábóta á Munkaþverá (dáinn 1159) sem skrifaði leiðarlýsingu fyrir pílagríma; Sturla Sighvatsson gekk suður til Rómar fyrir mótgerðir sínar við Guðmund biskup góða og var leiddur berfættur milli höfuðkirkna í Rómaborg og flengdur. Í Grænlendinga sögu er frá því sagt að Guðríður Þorbjarnardóttir kona Þorfinns karlsefnis, fór í pílagrímaferð til Rómar og gerðist síðan einsetukona þegar heim kom. Einnig er sagt frá því í Gísla sögu Súrssonar að Auður Vésteinsdóttir kona Gísla hafi farið til Rómar að honum látnum og aldrei snúið aftur. Einna frægastur er Björn Jónsson Jórsalafari sem fór til Jerúsalem árið 1406. Eitt ákveðið orð var notað til að lýsa þessum ferðum Íslendinga. Hvað voru voru pílagrímaferðir Íslendinga jöfnum höndum nefndar?

20
Skrilljarðagæludýrsfótboltafjöllistahópurinn Chelsea tapaði í vikunni fyrir Burnley í ensku deildarbikarkeppninni í knattspyrnu. Hvaða Íslendingur leikur með Burnley?

21

Málhljóðunum í íslensku er skipt í tvo meginflokka, sérhljóð og samhljóð. Samhljóðin flokkast meðal annars í önghljóð, hliðarhljóð, lokhljóð eins og p - t - k og nefhljóð M og N.

En hvert er eina sveifluhljóðið í íslensku? Ef ég lýsi þessu aðeins nánar; Þegar sveifluhljóðið er borið fram titrar tungubroddurinn svolítið við tannbergið á meðan loftið streymir framhjá

22
Páll Óskar Hjálmtýsson hefur nýgefið út safn af sínum bestu og vinsælustu lögum. Hér eru saman komin öll bestu lögin af öllum plötum Páls Óskars, bæði sólóplötum og samstarfsverkefnum, frá árunum 1991 til 2008. Þar á meðal er lagið þú komst við hjartað í mér sem Hljómsveitin Hjaltalín sló í gegn með í sumar. En hver samdi lagið Þú komst við hjartað í mér?

23
Forseti Íslands komst í fréttirnar í vikunni fyrir að segja útlendum sendimönnum hvað Íslendingum finnst um þá. Ólafur Ragnar hefur átt fundir með, að eigin sögn, þúsundum Íslendinga að undanförnu og freistað þess að stappa stálinu í þjóð sína og sannfæra hana um að búandi verði í þessu landi áfram. Mamoun Abdul Gayoom var kjörinn forseti í álíka fjölmennu ríki og Ísland er á dögunum en skilaboð hans til þjóðarinnar voru akkúrat öfug. Landsmenn, 370 þúsund talsins, eigi að búa sig undir að flytjast burt og setjast að annars staðar vegna hlýnunar jarðar.

Í hvaða landi á þjóðin að búa sig til brottfarar samkvæmt nýkjörnum forseta sínum?

24
Á degi íslenskrar tungu eru jafnan veitt verðlaun Jónasar Hallgrímssonar til þess manns sem talinn er hafa unnið tungunni mikið gagn.
Í rökstuðningi ráðgjafanefndar verðlaunanna í fyrra var sagt um þann sem verðlaunin hlaut að viðkomandi hafi um áratuga skeið lagt fram drjúgan skerf til viðgangs íslenskrar tungu og íslenskrar hugsunar með ritstörfum og kennimennsku. Verðlaunahafinn sagðist hafa miklar áhyggjur af þróun íslenskrar tungu, og taldi enskuslettur alltof áberandi í málinu.

Hver hlaut verðlaun Jónasar Hallgrímssonar í fyrra?

25
Rithöfundur nokkur gefur út tvær bækur fyrir þessi jól. Önnur er sagnfræðileg spennusaga sem sækir í víkingafortíð Íslendinga. Hún er byggð á kenningum um fyrstu landnámsmennina sem leiða lesandann í eltingaleik um týnd hof, norræna goðafræði, horfna kirkjugrunna og sífellt nær elsta leyndarmáli þjóðarinnar. Hin bókin er fjörug teiknimyndasaga, þar sem útrásarvíkingarnir bregða á leik eins og þeim einum er lagið. Í þessari smellnu sögu eru örlög þeirra rakin og stólpagrín gert að útrásinni margfrægu.

Hvað heitir rithöfundurinn og hvað heita bækurnar?

26
Það hefur ekki fari framhjá neinum að Ísland er haft fyrir misskilningi, rangfærslum og níði í erlendum fjölmiðlum. Ríkisstjórnin hefur verið gagnrýnd fyrir aðgerðaleysi en þegar við vorum í sömu sporum á 16. öld greip spekingur til nokkur aðgerða og skrifaði bók til að bæta orðspor þjóðarinnar á erlendri grundu. Hét hún Brevis commentarius de Islandia. Bókin er tilraun til að nota bókaútgáfuna og prentið, sem þá var helsti fjölmiðill heims og helsta samskiptamiðilinn innan fjölmiðlunarinnar, latínuna, til að koma á framfæri hugmyndum um hvernig bæri að skilja ímynd Íslands og þar með sjálfmynd íslensku valdastéttarinnar. Hugmyndir hans um að Íslendingar séu frjálsbornir menn sem ekki láti kúga sig, hljóma kunnuglega ekki satt. Höfundurinn sat á Hólum í nærri 30 ár og sinnti landkynningu meðfram öðrum störfum. Þessi fína gamla bók kemur út aftur núna fyrir jólin og er jólagjöfin í ár fyrir vini og kunningja erlendis. Höfundur Brevis commentarius de Islandia var Arngrímur Jónsson lærði, en hver hefur haft yfirumsjón með markaðssetningu íslensks lambakjöts og fleiri íslenskra vara í Bandaríkjunum undanfarin ár, síðustu ár sem framkvæmdastjóri fyrirtækisins Áform?

27
Síðan kreppan reið yfir hafa menn kvartað yfir ónógri upplýsingagjöf. Geir Haarde, sem er þekktur fyrir skjót viðbrögð og fádæma röggsemi, hefur nú, meira en mánuði eftir frjálshyggjuhrunið ráðið upplýsingafulltrúa í forsætisráðuneytið, Kristján Kristjánsson – sem áður starfaði á Fréttastofum RÚV og í Kastljósinu. Síðan hann yfirgaf Efstaleitið hefur hann starfað hjá tveimur fyrirtækjum þar sem hann hefur öðlast reynslu sem mun nýtast honum vel við að vinna fyrir Geir. Hverjir eru tveir síðustu vinnustaðir Kristjáns Kristjánssonar, upplýsingafulltrúa Geirs Haarde.

28
Elsku litli engillinn
það er enginn ríkari en pabbi þinn.
Ég á milljarða í massavís
og marmarahöll í paradís.
Er með hagstæða afkomu eigin fjár
og arðsemi fjármagns var góð í ár.
Ég á átján skip á sjó
og eyjuna Borneó.

Elsku hjartans anginn minn
það er enginn ríkari en pabbi þinn.
Ég á kampavín og kavíar
og flestar karabísku eyjarnar.
Ég á ofgnótt af allskonar listmunum.
Ég á egypskan faraó í frystinum.
Ég á Beta-vídeó
og borpall í Norðursjó.

Hver er höfundur laga og texta á nýútkomnu barnaplötunni Gilligill sem hefur verið að fá frábæra dóma að undanförnu?

29
Nú er James Bond á hvers manns vörum og því við hæfi að spyrja:
Titillag hvaða James Bond myndar sat í 5 vikur á toppi vinsældalista Rásar 2 sumarið 1985 en var að lokum velt úr sessi með laginu Frankie með Sister Sledge.

30
Herferð Íslandspósts um póstmanninn sem hefur þráhyggju fyrir vinnu sinni hefur verið mikið keyrð að undanförnu. Póstmaðurinn býr til bréf úr hrökkbrauði og gúrku. Pósturinn sem heitir Patrekur Gunnar Patreksson þykist þekkja hvaðan bréf eru send af lyktinni einni saman. Þá finnst ákveðin kvikmynd frá árinu 1997 vera meistaraverk og segir að hún byggi á sönnum atburðum í framtíðinni. Hvaða mynd er það og hver lék aðalhlutverkið?

Lágvörur

2008-11-15T17:45:00.003Z

Eftir ferð mína í tvær lágvöruverslanir í dag skil ég loksins þetta orð 'lágvörur'. Það eru vörur sem eru seldar með því að leggjast lágt. Sjáum hér tvö dæmi, hvort úr sinni búðinni

Verðmerkingin höfð á hvolfi svo varan virðist ódýrari

Torkennileg vatnsblanda seld á 2.200 kr. kílóið. Lystugur kjúklingur? Nei.

Exit Bjarni

2008-11-11T11:17:00.001Z

Nú hefur Bjarni brotið ísinn. Geta þá ekki fleiri axlað ábyrgð? Það er af nógu að taka.

(X-)Bjarni

2008-11-11T01:19:00.002Z

Hvar fékk Bjarni bréfið sem tveir framsóknarmenn sendu á Valgerði með gagnrýni fyrir tómlæti gagnvart fífldirfsku útrásarjöfra? Ég giska á að þeir hafi sent afrit á formanninn og Bjarna hafi verið falið að koma því á fjölmiðla.

Quantum of Bond

2008-11-10T13:31:00.003Z

Sáum Bond um helgina. Myndin virkaði á mig sem eins konar millispil - þar sem JB er að grennslast fyrir um risavaxin glæpasamtök - Quantum. Hressileg þeysireið milli heimsálfa og vel útfærð átök og eltingaleikir. Það vantaði kannski aðeins upp á alvöru ógn - sem er líklega það sé á við með orðinu millispil - það er miklu meira í vændum.

Viltu mótmæla?

2008-11-07T15:32:00.001Z

Stjórnmálamenn! Hættið þessu rugli og komið með sannleikann upp á borðið!

2008-11-05T11:03:00.001Z

Til hamingju stelpur

2008-10-31T09:58:00.002Z

Nú hefur gamall draumur ræst!

Snilldarflétta Baracks

2008-10-30T10:26:00.001Z

Hvernig drepur þeldökkur frjálslyndur frambjóðandi sem heitir Hussein Obama lúmskan áróður últrahægrirepúblíkana um að hann sé múslimi?

Jú, með því að lenda í háværum deilum við prestinn sinn.

Það hefur lítið breyst

2008-10-29T13:15:00.002Z

Sjálfstæðisflokkurinn býður ennþá upp á sama gamla draslið!

Við ætlum ekki að borga skuldir óreiðumanna

2008-10-28T14:46:00.002Z

Heldur okkar eigin skuldir - nokkrum sinnum!

Ljóð dagsins - Höfundur: Finnur Vilhjálmsson

2008-10-28T10:03:00.001Z

Gæinn sem geymir aurinn minn

Ég finn það gegnum netið

að ég kemst ekki inn

á bankareikninginn,

en ég veit að það er gæi

sem geymir aurinn minn,

sem gætir alls míns fjár,

og er svo fjandi klár,

kann fjármál upp á hár,

býður hæstu vextina,

og jólagjöf hvert ár.

Ég veit hann axlar ábyrgð,

en vælir ekki neitt,

fær þess vegna vel greitt,

hendur hans svo hvítþvegnar

og hárið aftursleikt.

Þó segi’ í blöðunum

frá bankagjaldþrotum

hann fullvissar mig um:

Það er engin áhætta

í markaðssjóðunum.

Ég veit að þessi gæi

er vel að sér og vís;

í skattaparadís

á hann eflaust fúlgur fjár,

ef hann kemst á hálan ís.

Því oftast er það sá,

sem minnstan pening á,

sem skuldin endar hjá. –

Fáir slökkva eldana,

sem fyrstir kveikja þá.

Uppbót fyrir íslensk heimili

2008-10-27T13:03:00.002Z

Nú þurfa íslensk heimili að horfa fram á stórauknar skuldir bæði af íbúðalánum og lánum ríkisins. Ein leið til að bæta fólki þetta upp væri að ganga í Evrópusambandið og fá aðgang að eðlilegum húsnæðislánum á óverðtryggðum kjörum. Væntanlega myndi þetta þýða að eignir venjulegra Íslendinga (húsin og íbúðirnar) myndu hækka talsvert í verði og vega þannig upp á móti því hversu höfuðstóll lána vegna Krónuskattsins (verðtryggingarinnar) hækkar núna.

Þegar þú ert í Rome...

2008-10-27T11:24:00.003Z

Alltaf gaman að fá fréttir af manni að versla í Rome. Ekki síst ef hann var kosinn "eitt af 50 fegursta fólki heims" af tímaritinu People árið 2002

Ásdís Rán leysir vandann

2008-10-27T09:40:00.002Z

Sigga spyr:
Hæ, ég er með svo lítil brjóst og það er að éta mig að innan. Þegar ég var í grunnskóla þá var oft gert grín að þessu og mér leið rosalega illa yfir þessu. Mér finnst þetta hamla mér og mér finnst eins og strákar líti ekki við mér útaf þessu. Er ég geðveik eða skiptir brjóstastærð ekki rosalega miklu máli? Hvað á ég að gera? Fyrirfram þakkir,

Ásdís Rán:
Ef ástandið er að éta þig að innan myndi ég mæla með því að þú farir og spjallir við lýtalækna og kannir hvað þeim finnst. Ég er nokkuð viss um að brjóstastækkun myndi bæta líðan þína að einhverju leyti og gefa þér betra sjálfsöryggi. Varðandi strákana held ég að brjóstastærðin skipti okkur meira máli heldur en þá, en þeir laðast hins vegar meira að góðu sjálfsöryggi hjá stelpum. Það er hægt að semja við lækna um greiðslur eða setja aðgerðina á Visa-rað. Þú þarft samt að vita að brjóstastækkun er alltaf áhætta og það er gott að þú safnir þér upplýsinga [sic] á Netinu áður en þú tekur þessa ákvörðun.

Úr nýjasta hefti Monitor

Hin ósýnilega hönd markaðarins

2008-10-23T13:39:00.002Z

Loks skilur fólk þetta hugtak, því það hefur fengið á kjaftinn án þess að sjá það gerast.

Hvað gerðist - 2 skýringar:

2008-10-23T11:03:00.002Z

Skýring sjálfstæðismanna:
Reglur voru settar í Bandaríkjunum sem bönnuðu íbúðalánasjóðum að mismuna fólki eftir litarafti og öðrum ástæðum. Því fengu fleiri lán en gátu hugsanlega borgað. Einhverjir notuðu þessi skuldabréf í vafninga sem gengu kaupum og sölum eins og tifandi tímasprengja. Enginn gat samt séð fjármálakreppuna fyrir. Hún er ekki Davíð Oddssyni að kenna. Hún er fellibylur. Ástæðan til þess að Ísland verður sérstaklega illa úti er sú að bankarnir voru allt of stórir og skuldsettir, vegna leikreglna EES samningsins. Við höfum sömu reglur og önnur lönd EES og sömu bindiskyldu og í EES. Eini maðurinn sem varaði við ofvexti bankanna er Davíð Oddsson. Jón Ásgeir brást trausti þjóðarinnar og reið of geyst studdur af klappliðinu: Ingibjörgu Sólrúnu og Ólafi Ragnari. Dorrit spurði af hverju borðar fólkið ekki kökur og krónan mun hjálpa okkur í uppsveiflunni sem er handan við hornið.

Skýringar annarra
Forhertir kapítalistar ófu áhættusöm lán inn í pakka með ágætis lánum þannig að þegar lélegu lánin brugðust fór allt galleríið á hliðina, því fjármálakerfið var orðið spillt, áhættufíkið og yfir sig skuldsett. Fjármálakreppuna hefði auðveldlega mátt sjá fyrir og jafnvel stöðva ef leiðtogar Bandaríkjanna hefðu sett, og fylgt eftir, skynsamlegum reglum. Ástæðan til þess að Ísland verður sérstaklega illa úti er sú að bankarnir voru allt of skuldsettir. Þeir þrýstu á Seðlabankann til að lækka bindiskyldu niður í það sem er á EES svæðinu, á sama tíma og gríðarlegur vöxtur þeirra hefði átt að kalla á aukna bindiskyldu. Þorvaldur Gylfason og fleiri hagfræðingar vöruðu Davíð Oddsson og Seðlabankann ítrekað við þessu varnarleysi. Bankarnir veiktu Fjármálaeftirlitið kerfisbundið með því að ræna starfsfólki þaðan og sendu góðar rauðvínsflöskur á tyllidögum. EES reglum var ekki fylgt eftir af sama styrk og tíðkast erlendis, m.a. vegna fjárskorts. Stjórnvöld voru ekki að flýta sér að loka ábyrgðum á Icesave, etv. vegna skatttekna, þau mistök munu reynast okkur dýr. Auðmennirnir brugðust og eru ennþá svakalega ríkir og þjóðin situr eftir með skuldirnar. Pólitískt skipaði seðlabankastjórinn er rúinn trausti austan hafs og vestan og alls staðar þar á milli eftir bommertur í aðdraganda, hápunkti og eftirmála bankahrunsins. Við þurfum að snúa bökum saman og koma íslenskum heimilum í öruggara skjól: IMF, ESB.

Það er auðvelt að vera bitur eftirá

2008-10-17T13:55:00.000Z

Vildi bara koma því á framfæri.

Kominn tími á breytingar?

2008-10-17T10:08:00.002Z

Þegar ekki er nauðsynlegt að breyta, er nauðsynlegt að breyta ekki, sagði breskur íhaldsmaður fyrir nokkrum öldum. Umræðurnar um hugsanlega aðild Íslands að Evrópusambandinu sæta furðu. Hvaða nauður knýr okkur þangað inn?

Hannes Hólmsteinn Gissurarson, 22. ágúst síðastliðinn

Sara litla Palin

2008-10-15T21:43:00.001Z

Getur verið að þetta sé fyndnasti Sarah Palin djókurinn?

Takk Sverrir